അറിയില്ലെനിക്കിന്നും ഹര്‍ത്താലെന്നീപ്പദത്തി-
ന്നാരംഭമെവിടെയെങ്ങനെയെന്ന്.....
കേരളത്തിന്‍ പരമ്മോന്നത നീതിദേവത
തന്‍ 'അലക്ഷ്യ' ശാപമേല്‍ക്കാതിരിക്കാന്‍
ബന്ത്, തന്‍ പേരങ്ങ് മാറിയെടുത്തതോ?
മലയാള നാടിന്നരുമയാം രാഷ്ട്രീയ ശീലര്‍ ,
പാര്‍ട്ടിതന്‍ പേരുകള്‍ ചാനലില്‍ മുഴക്കാന്‍
മാര്‍ഗ്ഗമായോന്നിനെ കൂട്ട് പിടിച്ചതോ?
ഒന്നറിയുമിന്നീയതിവേഗ ജീവിതത്തിന്നറുതി-
യില്ലാപ്പോക്കില്ലൊരവധി വേണം- ജനത്തിന്.
ബിസ്സിയാം 'ഹസ്സി'നെ രാത്രിക്കിടക്കയിലല്ലാതെ,
പകല്‍ വെളിച്ചത്തിലൊരുനോക്ക് കാണണം- ഭാര്യക്ക്.
തങ്ങളുടെ കല്ല്യാണ നാളുകളിലാല്ലാതെ,
സ്നേഹിക്കാനാകാത്ത പത്നിയെ, നന്നായൊന്നറിയണം- ഹസ്സിന്
ദിവസത്തില്‍ മുക്കാലും പഠനവും ട്യൂഷനും, വേണ-
മൊരുപകല്‍ രക്ഷകര്‍ത്താക്കളോടുമൊത്ത് - മക്കള്‍ക്ക്‌.
കലണ്ടറച്ചടിച്ചിറക്കും പ്രസ്സില്‍ നിന്നാരോ
പാര്‍ട്ടി ഓഫീസ് തേടിയെത്തുന്നു.
ലിസ്റ്റ് വേണം!, വരും വര്‍ഷത്തിലിപ്പാര്‍ട്ടി തന്‍
ആഭിമുഖ്യത്തില്‍ ജനിക്കും ഹര്‍ത്താലിന്‍ ലിസ്റ്റ്!!
ഓര്‍ഡര്‍ നേരത്തെ നല്‍കണം, പണ്ടേപ്പോല്‍
അത്രീസിയല്ലത്രേ 'ചുവപ്പ് മഷി' കയ്യിലെത്താന്‍!
എന്‍ മനസ്സില്‍ തോന്നുന്നതൊന്നു പറയാം,
അതി വിദൂരമല്ലെന്നറിയുകയിവിടിനി
ഹര്‍ത്താലേ! നിന്നെ തുരത്താനായൊരു ഹര്‍ത്താല്‍!!!!!
Showing posts with label ഗവിത. Show all posts
Showing posts with label ഗവിത. Show all posts
Subscribe to:
Posts (Atom)
